 Well as Gast of Kunn in uns Bedriev kummt of well wat levern deit, de markt toeerst an sien Nöös, dat he bi uns is. Daar is en Röök van frömd Gewürzen un ok en bietje Vanille in de Lücht un maakt klaar, um wat dat hier geiht: Um dat Geneten! Sowat 500 Soorten Tee sünd stadig up uns Lager, daar is för elk un een wat d’rbi.
Uns Teeimport-Bedriev gifft dat siet 1978. Bi uns in Huus gellen Qualität un Handarbeid noch wat. Uns Richtspröök: "Wi weten, wat d’r in is un wi weten, wo dat smeckt."
Wi belevern Fachgeschäften in heel Düütskland un dat europäisk Butenland mit Tee un all, wat daar noch tohört, faak ok mit extra Mischungen (Huusmarken van de Kunnen) tosamen mit en spezielle Utstafferen van de Saken.
De Präsentjes rund um de Tee, moi tosamenstellt un alltied modeern, komen good an, bi de Hannelslüü nettso as bi de Kunnen.
En belangriek Gewicht in uns Angeboden hett de Sanddoorn. Wi boen hum sülvst an un verarbeiden hum to en heel Bült Saken.
Up de Produktsieden könen Ji Jo over uns groot Angebood slau maken.
|
